اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید کا کہنا ہے کہ شہباز کا بچ جانا نواز شریف کو نہیں بھایا، تفصیلات کے مطابق ایک نجی ٹی وی چینل کے پروگرام میں میزبان نے کہا کہ جب سے عمران خان کلیئر ہوئے ہیں اس وقت سے جتنے سیاسی تجزیہ کار ہیں وہ سارے یہ ہی بات کرتے ہیں کہ اب اگلے الیکشن میں مقابلہ عمران خان اور شہباز شریف کے درمیان ہو گا،اس پر سینئر سیاسی رہنما شیخ رشید احمد نے کہا کہ یہ بات نواز شریف کو لے ڈوبی ہے کہ میں آؤٹ اور وہ اِن ہیں،

جتنے دن بھی شہباز شریف اِن ہیں، انہوں نے کہا کہ ابھی ان پر ماڈل ٹاؤن کا کیس قائم ہے، یہ بات نواز شریف کے دل کو ڈس گئی ہے کہ وہ پارٹی اجلاس میں ایک مہمان کی حیثیت سے شریک ہوں گے، اس سے پہلے کہ انہیں سزائیں ہوں ،آپ دیکھ لینا کہ نواز شریف لڑائی کریں گے جھگڑا کریں گے کیونکہ انہیں شہبازشریف قبول نہیں ہے۔ شیخ رشید نے کہا کہ میں خدا کو گواہ بنا کر کہتا ہوں کہ نواز شریف کو شہباز شریف قبول نہیں ہے یہ صرف عمران خان کا بہانہ ہے اصل مسئلہ نواز شریف کا ہے۔