نیو یارک(سی پی پی ) امریکہ میں تعینات پاکستانی سفیر اعزاز چودھری نے امریکہ پر واضح کیا ہے کہ پاکستان خطے میں بھارت کا ’’تھانیدار‘‘ کا کردار قبول نہیں کرے گا، افغانستان میں دہشت گردوں کے محفوظ ٹھکانے ہیں۔ پاکستانی سفیر اعزاز چودھری نے نیو یارک میں پاکستانی میڈیا کو بریفنگ دیتے ہوئے کہا کہ پاک امریکہ تعلقات میں بہتری کیلئے دونوں جانب سے برف پگھلی ہے۔ امریکہ کے مختلف سیاستدانوں اور تھنک ٹینک سے رابطے
میں ہوں۔ پاکستانیوں کو چاہئے کہ امریکہ سیاسی نظام کا حصہ بنیں۔ اعزاز چودھری نے کہا کہ کوئی بھی پاکستان میں دہشت گردوں کے ٹھکانے ثابت نہیں کر سکتا جبکہ افغانستان میں دہشت گردوں کے محفوظ ٹھکانے ہیں۔ اعزاز چودھری نے مزید کہا کہ امریکہ پر واضع کر دیا ہے کہ خطے میں بھارت کا ’’تھانیدار‘‘ والا کردار پاکستان کبھی قبول نہیں کرے گا ۔
