لاہور(این این آئی) وزیر اعلیٰ پنجاب محمد شہباز شریف نے کہا ہے کہ ماڈل ٹاؤن کا واقعہ افسوسناک تھا،واقعہ پر میں نے اسی روز کمیشن بنانے کا اعلان کیاتھا۔لندن میں میڈیا سے گفتگو کرتے ہوئے وزیر اعلی نے کہا کہ 17جون 2014کو میں نے پریس کانفرنس کی تھی اور چیف جسٹس لاہور ہائی کورٹ کو واقعہ کی انکوائری کے لئے عدالتی کمیشن کے قیام کی درخواست کی تھی۔انہوں نے کہا کہ

ہماری ہمدردیاں شہداء کے لواحقین کے ساتھ ہیں تا ہم لاشوں پر سیاست نہیں ہونی چاہیے۔ایک سوال کے جواب میں انہوں نے کہا کہ اورنج لائن میٹروٹرین کا منصوبہ22مہینے سٹے آرڈر پر رہا اور بعض عناصر نے اپنے ذاتی مفادات کی تکمیل کے لئے اس اہم منصوبے میں رکاوٹ پیدا کی۔ایک اور سوال کے جواب میں انہوں نے کہا کہ اگر فاٹا پر اختلافات ہیں تو فاٹا کی70سالہ تاریخ کو بدل رہے ہیں۔