لاہو۔۔۔پنجاب اسمبلی نے لوکل گورنمنٹ ترمیمی بل 2014 منظور کرلیا ہے جس کے تحت بلدیاتی حلقہ بندیوں اور ووٹر لسٹوں کی تیاری کا اختیار الیکشن کمیشن کو تفویض کردیا گیا ہے ۔سپیکر رانا محمد اقبال کی سربراہی میں پنجاب اسمبلی کا اجلاس ہوا جس میں پنجاب حکومت کی جانب سے صوبائی وزیر قانون نے لوکل گورنمنٹ ترمیمی بل 2014 کو شق وار پیش کیا، جسے ایوان نے متفقہ طور پر منظور کرلیا، بل کی منظوری کے بعد صوبے بھر میں یونین کونسلوں کی حلقہ بندیوں اور ووٹر لسٹوں کی تیاری کا اختیار پنجاب حکومت سے لے کر الیکشن کمیشن کو دے دیا گیا ہے۔واضح رہے کہ سپریم کورٹ نے پنجاب اور سندھ حکومت کو حکم دیا تھا کہ وہ حلقہ بندیوں کا اختیار الیکشن کمیشن کو تفویض کرنے کے لئے قانون سازی کرے۔