نئی دہلی(مانیٹرنگ ڈیسک)بھارتی خلائی تحقیقاتی ادارے انڈین سپیس ریسرچ آرگنائزیشن نے اعلان کیا ہےبھارت مارچ 2018ءمیں اپنا نام چاند پر جانے والے ممالک کی فہرست میں لکھوالے گا۔خبر رساں ادارے کی رپورٹ کے مطابق بھارتی خلائی تحقیقاتی ادارے ’انڈین سپیس ریسرچ آرگنائزیشن (آئی ایس آر او)کا کہنا ہے کہ وہ اپنے ’چندریان 2مشن‘ کے تحت آئندہ برس مارچ کے آخر میں اپنی
چاندگاڑی کو چاند پر بھیجنے جا رہا ہے۔واضح رہے کہ بھارت اس سے قبل بھی چاند کی طرف سفر کرنے کی کوشش کر چکا ہے لیکن ہر بار ناکام رہا ہے تاہم اس بار بھارتی حکومت اس مشن کے حوالے سے بہت پرجوش دکھائی دیتی ہے۔اس سے قبل چاند پر بھیجا گیا مشن ناکام ہو گیا تھا ، آئی ایس آر او نے 2008ءمیں ’چندریان1مشن‘ کے تحت بھارت نے اپنے جزیرے سری ہری کوٹاسے خلائی جہاز چاند کی طرف روانہ کیا تھایہ خلائی جہاز چاند کے مدار میں پہنچا لیکن پھر 14نومبر 2008ءکو چاند کی سطح پر گر کر تباہ ہو گیاتھا۔ ناسا نے 2016ءمیں چاند کی سطح پراس خلائی جہاز کا ملبہ تلاش کیا تھا۔
