اسلام آباد(مانیٹرنگ ڈیسک)چائنیز کمپنی ٹینسینٹ نے فیس بک کو چھوڑ دیا ، قیمت دوگنی ہو کر 531ارب ڈالرز تک پہنچ گئی ۔ تفصیلات کے مطابق گزشتہ کئی برسوں سے سماجی رابطوں کی ویب سائٹ فیس بک نے دنیا بھر

میں قبضہ جمایا ہوا ہے تاہم اب چائنیز کمپنی ٹینسینٹ نے اس کی بالادستی کو نہ صرف چیلنج کیا ہے بلکہ اسے توڑتے ہوئے اس سے آگے نکل گئی ہے۔ بازار حصصمیں چائنیز کمپنی ٹینسینٹ نے فیس بک کو پیچھے چھوڑتے ہوئے قیمت میں دوگنا اضافہ کرا لیا ہے اور فیس بک کی مالیت 529ارب ڈالرز کے مقابلے میں ٹینسینٹ کی قیمت531ارب ڈالرزہو گئی ہے۔ قیمت میں اضافہ ہانک کانگ کے بازار حصص میں سامنے آیا۔ واضح رہے کہ ٹینسینٹ کو اب ایپل کے مدمقابل تصور کیا جا رہا ہے جس کی قیمت 873 ارب امریکی ڈالر ز ہے۔ ٹینسینٹ سے متعلق قارئین کو بتاتے چلیں کہ یہ بھی فیس بک کی طرح ایک سماجی رابطوں کی ویب سائٹ ہے۔ اس کے مقبول ویڈیو چیٹ(وی چیٹ) فون پلیٹ فارم پر تقریباً ایک ارب صارفین ہیں جہاں لوگ آپس میں باتیں کرسکتے ہیں، تصاویر شیئر کرسکتے ہیں، گیمز کھیل سکتے ہیں اور رقم کی ادائیگی کرسکتے ہیں۔ چین میں اس ایپ نے ٹیکنا لوجی کی صنعت میں انقلاب برپا کردیا ہے۔ٹینسینٹ کمپنی کے بانی اور چائنا کے ٹاپ بزنس مین ’ما ہوتینگ‘ جنہیں ’پونی ما‘ کے نام سے بھی جانا جاتا ہےکا کہنا ہے کہ ان کی کمپنی نےرواں ماہ امید سے زیادہ 69 فیصد آمدنی حاصل کی ہے۔پونی ما بہت کم میڈیا پر نظر آتے ہیں اور انٹرویوز بھی کم ہی دیتے ہیں ۔