کراچی(این این آئی) پیپلز پارٹی سندھ کے سینئر رہنماء اور وزیر صنعت منظور حسین وسان نے موجودہ سیاسی صور تحال پر اپنے ویڈیو بیان میں کہا ہے کہ عمران خان نے اب دھرنا دیا تو ملکی حالات بگڑ جائیں گے، سیاسی جماعتوں کو تصادم کی صورتحال پیداکرنے سے گریز کرناچاہئے، تمام جما عتوں کو مل بیٹھ کر جمہوریت کو بچانے کیلئے سوچناچاہئے۔ انہوں نے کہا کہ کوئی پریشان نہ ہو ملک میں مارشل لاء کے امکانات ختم ہوگئے ہیں، جب بھی مار شل لا ء ا لگتا تھا تو ایک دو جماعتیں ان کے ساتھ کھڑی ہوجاتی تھیں۔ملک میں انتخابات جب بھی ہوئے پیپلز پارٹی الیکشن کیلئے تیار

ہے۔ انہوں نے کہا کہ18 اکتوبر کے سانحہ کے تانے بانے 27 دسمبر کے سانحہ سے ملتے ہیں۔سابق صدر پرویز مشرف کو وطن واپس لاکر ان سانحات کی تحقیقات کرائے جائے عام انتخابات کے حوالے سے۔منظور وسان کا کہنا تھا کہ مجھے عام انتخابات وقت پر ہوتے نظر نہیں آرہے،اگر عمران خان نے دھرنا دیا تو سمجھیں ملک میں کچھ گڑ بڑ ہوگی۔ انہوں نے مزید کہا کہ نے کہا کہ شہید محترمہ بینظیر بھٹو کا قتل عالمی قوتوں کی سازش تھی۔جب سیاستدانوں کا احتساب ہورہا ہے تو مشرف کو بھی وطن واپس بلایا جائے، مجھے یقین ہے کہ ایک دن ضرو رشہید بی بی کے قاتل سامنے آئیں گے۔

موضوعات:منظور حسین وسان