واشنگٹن(این این آئی)امریکی پولیس نے کہاہے کہ اتوار کو امریکی شہر لاس ویگاس میں گولیاں مار کر 58 افراد کو ہلاک اور 500 سے زیادہ کو زخمی کرنے والے حملہ آور سٹیون پیڈک نے اپنے ہوٹل اور کمرے میں کئی کیمرے لگا رکھے تھے۔برطانوی ٹی وی کے مطابق پولیس نے کہا کہ راہداری کے دو کیمروں اور دروازے کے پیپ ہول میں نصب کیمرے سے وہ دیکھ سکتے تھے کہ

آیا پولیس والے ان کی طرف تو نہیں آ رہے۔اب تک اس بات کا تعین نہیں ہو سکا کہ 64 سالہ پیڈک نے یہ حملہ کیوں کیا۔ تاہم یہ ظاہر ہے کہ انھوں نے اس کے لیے بڑے پیمانے پر منصوبہ بندی کر رکھی تھی۔شیرف جوزف لومبارڈو نے بتایاکہ اس شخص نے پہلے سے منصوبہ بندی کی تھی۔ اس نے کمرے میں جس قسم اور جس مقدار میں اسلحہ جمع کر رکھا تھا، (اس سے لگتا ہے کہ) اس

بہت وسیع منصوبہ بندی کی تھی اور مجھے یقین ہے کہ اس نے ہر چیز کا بغور جائزہ لیا تھا۔پولیس اب بھی پیڈک کی گرل فرینڈ میریلو ڈینلی میں دلچسپی رکھتی ہے جو اس وقت فلپائن میں ہیں۔ شیرف لومبارڈو نے کہا کہ ہم رابطے میں ہیں۔