کولمبو (نیوز ڈیسک) سری لنکن کرکٹ کے سابق جادوئی سپنر مرلی دھرن (آج) جمعہ کو اپنی 43 سالگرہ منائیں گے ۔ مرلی دھرن 17 اپریل 1982ءکو سری لنکا کے سیاحتی مقام کینڈی میں پیدا ہوئے ۔ انہوں نے اپنے کرکٹ کیریئر کے دوران سری لنکن کرکٹ ٹیم کی جانب سے 133 ٹیسٹ، 350 ایک روزہ اور 12 ٹی ٹوئنٹی 20 میچز کھیلے ہیں۔ ٹیسٹ کرکٹ میں 1261رنز سکور کرنے کے ساتھ ساتھ 800 وکٹیں حاصل کیں جبکہ ایک روزہ کرکٹ میں 674 رنز کے ساتھ ساتھ 534 وکٹیں اپنے نام کیں۔ ٹوئنٹی 20 کرکٹ میں ایک رن کے ساتھ 13 وکٹیں حاصل کیں۔
مرلی دھرن نے اپنی کیریئر کا پہلا ٹیسٹ میچ 18 اگست سے 2 ستمبر 1992ءکے درمیان آسٹریلیا کے خلاف کھیلا جبکہ آخری ٹیسٹ میچ 18سے 22 جولائی کے درمیان بھارت کے خلاف کھیلا۔ پہلا ایک روزہ میچ 12 اگست 1993ءکو بھارت کے خلاف کھیلا جبکہ آخری ایک روزہ میچ بھی بھارت کی خلاف 2 اپریل 2011ءکو کھیلا۔ پہلا ٹوئنٹی 20 میچ 22 دسمبر 2006ءکو نیوزی لینڈ کے خلاف کھیلا جبکہ آخری ٹونٹی 20 میچ 31 اکتوبر 2010ءکو آسٹریلیا کے خلاف کھیلا۔ واضح رہے کہ مرلی دھرن ون ڈے اور ٹیسٹ میں سب سے زیادہ وکٹیں حاصل کرنیوالے باﺅلر ہیں۔