لاہور (نیوز ڈیسک ) دورہ آسٹریلیا اور جنوبی کوریا کے خلاف سیریز کی تیاریوں کیلئے جاری تربیتی کیمپ کے کھلاڑیوں کو نیشنل ہاکی اسٹیڈیم میں موجود کمروں میں ٹھہرایا گیا ہے لیکن گرمی کی شدت میں اضافے کے باعث کھلاڑیوں نے ٹیم مینجمنٹ سے بے سکونی کی شکایت کی تھی جس سے ٹریننگ متاثر ہونے کا خدشہ تھا۔ نیشنل ہاکی اسٹیڈیم میں موجود کمروں میں نصب ایئر کنڈیشن ٹھیک طرح کام نہیں کر رہے ہیں جبکہ لوڈشیڈنگ میں اضافے کے باعث کھلاڑیوں کے لئے پرسکون نیند کا حصول ممکن نہیں تھا لہٰذا ٹیم مینجمنٹ نے اسپورٹس بورڈ پنجاب سے مقامی ہوٹل میں رہائش فراہم کرنے کی درخواست کی تھی جس پر ڈی جی اسپورٹس عثمان انور نے فوری ایکشن لیتے ہوئے کھلاڑیوں کو ہوٹل منتقل کرنے کی ہدایت کر دی ہے۔