طالب علم کاموبائل فون دوران امتحانات گم ہوگیا،تفصیلات کے مطابق بحریہ یونیورسٹی میں ایک طالب علم نے موبائل فون اپنی جیب میں رکھاہواتھاتواس وقت ممتحن امتحانات نے اس کوکہاکہ آپ میرے میزپرموبائل فون رکھ دیں ،پرچہ ختم ہونے کے بعد اٹھالیں ،طالب علم جب اپناپرچہ دے کرفارغ ہوااورموبائل کے لئے ممتحن امتحانات کی میزپرگیاتووہاں اس کاموبائل غائب تھا،اس معاملے پرجب طالب علم نے ممتحن امتحانات سے بات کی توانہوں نے جواب دیاکہ موبائل کی حفاظت کرنامیری ذمہ داری نہیں ہے ،واضح رہے کہ یونیورسٹی کے کمرہ امتحانات میں کیمرے لگے ہوئے ہیں لیکن جس کمرہ وہ امتحان دے رہاتھااس میں کیمرہ بھی نہیں لگاہواتھااس واقعہ کے بعد وہ پریشانی کی حالت میں گھرچلاگیااورسوچاکہ اگریونیورسٹی انتظامیہ کچھ نہیں کررہی توپولیس سے رابطہ کروں اورموبائل کی گمشدگی کی ایف آئی آردرج کرادوں،اس معاملے پرجب اس نے اپنے والدسے کہاکہ وہ موبائل گم ہونے کی ایف آئی آردرج کراناچاہتاہے تووالد نے جواب دیاکہ ابھی تک اس ملک میں بے نظیربھٹوکے قاتل نہیں مل سکے توتمھیں گم ہونے والاموبائل کیسے مل سکتاہے۔
