اسلام آباد(نیوزڈیسک) وزیرستان سے تعلق رکھنے والی اسکواش چیمپئن ماریہ طور نے کہا ہے کہ انہیں دھمکیاں مل رہی ہیں، ان کی جان کو خطرہ ہے، حکومت سیکورٹی فراہم کرے۔حال ہی میں بین الاقوامی چیمپئن شپ جیتے والی ماریہ طور نے درپیش مشکلات پر خصوصی بات چیت کرتے ہوئے میڈیاکو بتایا کہ مجھے اور اہل خانہ کو جان سے مارنے کی دھمکیاںمل رہی ہیں۔انہوں نے حکومت سے سیکورٹی فراہم کرنے کامطالبہ کردیا
ماریہ طور کا کہنا تھا کہ سیکیورٹی مسائل کا سامنا ہے، جان کو خطرہ ہے،آسانی سے کہیں آجانہیں سکتی، خیبر پختونخوا اور وفاقی حکومت کو درخواستیں دیں مگر کوئی رسپانس نہیں ملا۔ماریہ کا مزید کہنا تھا کہ میری کامیابیوں کو سرکاری سطح پر سراہا جانا چاہیے، دیگر کھلاڑیوں کی طرح مجھے بھی میرا حق دیا جائے، وزیراعظم سے ملاقات کرکے اپنی مشکلات سے آگاہ کرنا چاہتی ہوں، پاکستانی ہوں، ملک کا نام روشن کر رہی ہوں، وزیرستان دہشت گردی کے نام سے جانا جاتا ہے، امیج بہتر بنانے کیلئے کوشاں ہوں