اسلام آباد(مانیٹرنگ ڈیسک)حلقہ این اے 120کی انتخابی مہم میں تھکے پی ٹی آئی ورکرز مجرے سے لطف اندوز ہوتے رہے، ویڈیو سوشل میڈیا پر آتے ہی ہنگامہ کھڑا ہو گیا۔ تفصیلات کے مطابق حلقہ این اے 120میں الیکشن کمیشن کی جانب سے جاری ضابطہ اخلاق اور شیڈول کے مطابق انتخابی مہم ختم ہوتے ہی تھکے ہوئے تحریک انصاف کے ورکرز اور رش لگانے کیلئے لاہور کی قیادت کی جانب سے پی ٹی آئی انتخابی کیمپ میں مجرے کا اہتمام کر دیا گیا ۔ پی ٹی آئی کے تھکے ماندے ورکرز کے اندر ماہر اور پیشہ ور
رقاصہ کے ٹھمکوں نے بجلی بھردی اور وہ بھرپور انجوائے کرتے رہے ۔ سوشل میڈیا پر حلقہ این اے 120کے تحریک انصاف کی امیدوار ڈاکٹر یاسمین راشد کے انتخابی کیمپ میں مرد ورکروں کے سامنے ایک خاتون کے رقص پر شدید تنقید کا سلسلہ جاری ہے اور کئی سوشل میڈیا صارفین نے اس پر اپنی ناپسندیدگی کا بھی اظہار کیا ہے۔ بتایا جا رہا ہے کہ ورکرز کو کیمپ میں جمع رکھنے اور کیمپ میں رش لگائے رکھنے کیلئے تحریک انصاف سینٹرل پنجاب کی اعلیٰ قیادت نے ماہر رقاصہ اور مجرے کا انتظام کیا تھا۔
