اہور(مانیٹرنگ ڈیسک)وزیراعلیٰ پنجاب شہبازشریف نے پارٹی رہنماوں اور عہدیداروں کو ادارو ں کیخلاف بیان دینے سے روک دیاہے ۔تفصیلات کے مطابق وزیراعلیٰ پنجاب شہباز شریف نے پارٹی رہنماؤں اور عہدیداروں کی قومی اداروں کے خلاف بیان بازی پر پابندی لگاتے ہوئے کہا کہ پاکستان اداروں کے درمیان تصادم کا متحمل نہیں ہوسکتا لہٰذا پارٹی رہنما اور عہدیدار ایسا بیان نہ دیں جس سے قومی اداروں پر آنچ آنے کا اندیشہ ہو،
ان کا کہنا تھا کہ پارٹی عہدیدار قومی اداروں کے وقار کے منافی قیاس آرائی نہ کریں۔ اراکین اسمبلی سے گفتگو کرتے ہوئے وزیراعلیٰ کا کہناتھا کہ ایک ایک پائی عوام کی فلاح وبہبودپر صرف کی جا رہی ہے،پنجاب بھر میں اربوں روپے کے میگاپروجیکٹس مکمل کیے ہیں، ترقی وخوشحالی کیلئے تمام وسائل بروئے کار لائے جارہے ہیں، پارٹی رہنما اور عہدیدار عوامی خدمت کیلئے تیار ہو جائیں۔
