لاہور (این این آئی)سابق وزیر اعظم محمد نوز شریف کے (کل )بدھ کو جی ٹی روڈکے ذریعے لاہور جائینگے ٗ سابق وزیراعظم کے شاندار استقبال کیلئے (ن) لیگ کے عہدیداروں ‘اراکین پار لیمنٹ اور کارکنوں نے انتظامات کو حتمی شکل دیدی ‘میاں نوازشریف کو بلٹ پروف گاڑی میں لاہور لایا جائے گا داتا دربار پر حاضری کے بعد اہم خطاب بھی کریں گے‘اسلام آباد سے لاہور تک100سے زائد مقامات پر (ن) لیگ کے کارکنان اور عوام میاں نوازشر یف کا استقبال کر یں گے ۔

میڈیا رپورٹ مطابق میاں نوازشر یف کے (کل) بدھ کو اسلام آباد سے لاہور پہنچیں گے وزیر اعظم نواز شریف قافلے کی صورت میں بدھ کی صبح نو بجے پنجاب ہاؤس سے ڈی چوک جائیں گے، ڈی چوک سے کاروواں بلیو ایریا سے ہوتا ہوا زیرو پوائنٹ اور فیض آباد پہنچے گا، فیض آباد سے نواز شریف کا کاررواں مری روڈ سے راولپنڈی میں داخل ہو گا، نواز شریف کا قافلہ مری روڈ سے گزرتا ہوا راولپنڈی کچہری اور پھر روات جائے گا، روات سے نواز شریف قافلے سمیت بذریعہ جی ٹی روڈ لاہور پہنچیں گے جسکے بعد انکا لاہور آمد تک سو سے زائد مختلف مقامات پر کارکنان ان کا استقبال کر یں جہاں میاں نوازشر یف کارکنوں اور عوام سے خطاب کر یں گے ذرائع محکمہ داخلہ کے مطابق سکیورٹی کلیئرنس کے بعد نواز شریف کو کار سے باہر نکلنے کی اجازت ہو گی قانون نافذ کرنیوالے اداروں نے اپنے طور پر ریلی کی سکیورٹی سے متعلق تیاریاں مکمل کر لی ہیں جبکہ محکمہ داخلہ پنجاب کے ریلی انتظامات کو حتمی شکل دینے کے لئے مسلم لیگی رہنماؤ ں سے رابطے جاری ہیں جس میں ریلی کی تفصیلات طے کی جائیں گی ۔ سابق وزیراعظم کے شاندار استقبال کیلئے (ن) لیگ کے عہدیداروں ‘اراکین پار لیمنٹ اور کارکنوں نے انتظامات کو حتمی شکل دیدی