لاہور(آئی این پی) صوبائی وزیر قانون رانا ثنا اللہ خان نے کہا ہے کہ نوازشر یف اب اقتدار میں نہیں مگر عمران خان کی پھر بھی چیخیں نکل رہی ہیں ‘سیاسی مخالفین کیلئے نوازشر یف اب پہلے سے زیادہ خطر ناک ثابت ہوں گے ‘عمران خان صرف خوابوں میں ہی اس ملک
کے وزیر اعظم بن سکتے ہیں ‘پنجاب اور مر کز میں آنیوالی حکومت بھی (ن) لیگ کی ہوگی اور عمران خان کے پی کے حکومت سے بھی ہاتھ دو بیٹھیں گے کیونکہ وہاں کرپشن اور لوٹ مارکے سوا کچھ نہیں ہورہا ‘ عائشہ احد اور عائشہ گلالئی کے معاملے میں فرق ہے ، عائشہ احد ایک پیشہ ور عورت ہے دولت اور جائیداد کی خاطر ڈرامہ کر رہی ہے۔ اتوار کے روز گفتگوصوبائی وزیر قانون رانا ثنا اللہ خان نے کہا کہ عمران خان اور انکے ‘‘دوست ‘‘یہ سمجھتے رہے کہ وہ نوازشر یف کے وزیر اعظم کے عہدے کی کر سی سے الگ کر کے اپنے مقصد میں کام ہوجائیں گے مگر انکے تمام منصوبے ناکام ہوں چکے ہیں اور نوازشر یف پہلے سے زیادہ مضبوط ہوچکے اور آنیوالی حکومت بھی (ن) لیگ کی ہوگی او ر میاں نوازشر یف ہمیشہ اس قوم اور پارٹی کارکنان کے دلوں میں زندہ رہیں گے ۔ انہوں نے کہا کہ عمران خان اقتدار میں آنے کیلئے در بدر کی ٹھوکر یں کھانے پر مجبور ہیں مگر وہ کبھی بھی کسی سازش کے ذریعے اقتدار میں نہیں آسکتے ۔
