لاہور (این این آئی ) پاکستان پیپلز پارٹی کے مرکزی نائب صدر اور سابق وزیر اعلیٰ پنجاب میاں منظور احمد وٹو نے کہا ہے کہ عائشہ گلا لائی کے الزامات شرمناک ہیں، یہ ملکی سیاست میں غلاظت متعارف کروانے کی ایک کوشش ہے، عائشہ گلا لائی کے چہرے پہ لکھا تھا کہ یہ پلانٹڈ ہے جن لوگوں نے بھی ایسی کوشش کی ہے انہوں نے ملک کی خدمت کی اور نہ ہی جمہوری عمل کی خدمت کی ہے ۔یہاں سے جاری ایک بیان میں انہوں نے کہا کہ سب سیاسی جماعتوں اور سیاسی لوگوں کو ایسے اقدامات سے گریز کرنا چاہیے
یہ گنبد کی آواز ہے آج عمران خان کے کل کسی اور کے خلاف آئے گی۔ عائشہ گلا لائی سے میں کہوں گا اس عمل سے انہوں نے اپنے ذاتی وقار میں کمی کی ہے وہ اب مزید اس عمل سے گریز کریں۔ انہوں نے کہا کہ پیپلز پارٹی نے ہمیشہ خواتین کو عزت دی محترمہ بے نظیر بھٹو ملک کا پہلی خاتون وزیراعظم اور ڈاکٹر فہمیدہ مرزا کا قومی اسمبلی میں پہلی خاتون سپیکر بننا پیپلز پارٹی کا طرہ امتیاز ہے۔
