اسلام آباد (مانیٹرنگ ڈیسک) نواز شریف چلے گئے لیکن۔۔۔! برطانوی اخبار دی گارڈین نے بڑا دعویٰ کر دیا، تفصیلات کے مطابق سپریم کورٹ کے پاناما فیصلے پر غیر ملکی اخبارات نے مختلف تجزیے کئے ہیں، امریکی اخبار نیو یارک ٹائمز لکھتا ہے کہ پاکستانی عدالت نے ایک خطرناک مثال قائم کی ہے، اخبار کے مطابق نواز شریف کا نام اگرچہ پاناما پیپرز میں نہیں ہے اور ایسا کوئی ثبوت بھی نہیں کہ انہوں نے سرکاری اختیارات کو نجی فائدے کے لیے استعمال کیا ہو۔ ججز نے انہیں اثاثے چھپانے پر نا اہل قراردے دیا۔ اخبار کے مطابق نواز شریف
کو فارغ کرنے سے ملک کا سیاسی توازن خراب ہو جائے گا۔ غیرملکی جریدے بلومبرگ نے نواز شریف کے ہٹائے جانے کی خبر کو بری خبر لکھا، اخبار کے مطابق نواز شریف پر بظاہر کرپشن کے الزامات تھے لیکن انہیں اقتدار سے ہٹائے جانے کے عوامل پریشان کن ہیں۔ دوسری طرف برطانوی اخبار دی گارڈین نے اپنے تجزیے میں انکشاف کیا ہے کہ نواز شریف تو چلے گئے مگر پاکستان میں ہائی لیول کرپشن کا معاملہ ویسے کا ویسا ہی ہے۔ بھارتی اخبارات نے بھی نواز شریف کی نااہلیت کو پاک بھارت امن کے لیے اچھا قرار نہیں دیا۔
