اسلام آباد(مانیٹرنگ ڈیسک)اقاموں کا معاملہ، اسحاق ڈار، خواجہ آصف اور احسن اقبال کے خلاف سپیکر قومی اسمبلی کو نا اہلی کے ریفرنس بھجوا دئیے گئے۔ تفصیلات کے مطابق اقاموں کے معاملے پر جوڈیشل ایکٹو ازم پینل کی جانب سے اظہر صدیق ایڈووکیٹ نے وفاقی وزیر خزانہ اسحاق ڈار، وفاقی وزیرپانی و بجلی و وزیر دفاع خواجہ آصف اور وفاقی وزیر برائے منصوبہ بندی احسن اقبال کی نا اہلی کیلئے ریفرنس سپیکر قومی
اسمبلی سردار ایاز صادق کو بھجوادیا ہے۔ ریفرنس میں موقف اختیار کرتے ہوئے کہا گیا ہے کہ تینوں وزرا نے نہ ہی اپنے کاغذات نامزدگی میں بیرون ملک ملازمت کو ظاہر کیا اور نہ ہی کاغذات نامزدگی میں بیرون ملک ملازمت سے ملنے والی تنخواہ کو ظاہر کیا ہے۔ تینوں وزرا نے اقامہ اور تنخواہ ظاہر نہیں کی لہٰذ ا یہ تینوں اسمبلی رکنیت کے اہل نہیں رہے انہیں آئین کے آرٹیکل 63کے تحت نا اہل قرار دیا جائے۔
