اسلام آباد(مانیٹرنگ ڈیسک)نوازشریف کا متوالا اپنے قائد کی ایمانداری کی گواہی کے طور پر دہکتے کوہلوں پر چل پڑا۔ایک مقامی اخبار میں شائع تصویر میں دیکھا گیا کہ آزاد کشمیر سے تعلق رکھنے والا مسلم لیگ(ن) کا متوالا محمد شبیر دہکتے ہوئے کوئلوں پر کھڑا ہے۔ اس نوجوان کا کہنا ہے کہ اگر نواز شریف کے خلاف سازشوں کا سلسلہ ختم نہ ہوا تو میری زندگی کا کوئی فائدہ نہیں ہے۔ محمد شبیر کے مطابق وہ نواز شریف کی ایمانداری کی گواہی کے طور پر کوئلوں پر چل رہا ہے۔

اگران کیخلاف سازشیں جاری رہیں تووہ نواز شریف کی محبت میں خود کشی کرلے گا۔واضح رہے کہ ان دنوں جے سپریم کورٹ میں پانامہ کیس کی سماعت اپنے آخری مرحلے میں داخل ہو چکی ہے ۔دوسری جانب اپوزیشن جماعتوں کی جانب سے نوازشریف سے وزیر اعظم کا عہدہ چھوڑنے کا مطالبہ زور پکڑتا جارہا ہے۔لیکن وزیر اعظم میاں نوازشریف نے وفاقی کابینہ کے اور مسلم لیگ ن کی پارلیمانی پارٹی میں اعلان کر رکھا ہے کہ وہ کسی صورت استعفیٰ نہیں دیں گے۔