ممبئی( آن لائن ) بالی ووڈ کی ماضی کی خوبصورت اداکارہ ماہیما چوہدری کے بھائی اور بھابی کار حادثے میں ہلاک ہوگئے ہیں۔بھارتی میڈیا رپورٹس کے مطابق بالی ووڈ اداکارہ ماہیما چوہدری کے کزن اور ان کی اہلیہ کسی ایونٹ سے واپس آرہے تھے اس دوران دوسری سمت سے آنے والی بس کار سے ٹکراگئی، گاڑی کی اسپیڈ زیادہ ہونے کی وجہ سے اداکارہ کا کزن موقع پر ہی ہلاک ہوگیا جب کہ بھابی کو فوری طور پر
اسپتال پہنچایا گیا مگر وہ بھی زخموں کی تاب نہ لاتے ہوئے دم توڑ گئیں۔
شوبز کی دنیا سے مزید خبریں:
عدنان سمیع نے اداکاری کے میدان میں قدم رکھ دیا
ممبئی (مانیٹرنگ ڈیسک) گلوکار عدنان سمیع نے اداکاری کے میدان میں قدم رکھ دیا۔ عدنان سمیع فلم ’’افغان، ان سرچ آف اے ہوم‘‘ نامی فلم میں پیلی پگڑی اور داڑھی مونچھ کے ساتھ نظر آئیں گے۔عدنا ن سمیع کا یہ روپ دیکھ کر پیش گوئی کی جارہی ہے کہ اس فلم پر انکی ہندوستانی تقدیر کا فیصلہ بھی ہوگا۔جبکہ دیکھنا یہ ہوگا کہ ان کی فلم کو راشٹریہ سیوک اور بی جے پی نمائش گاہ میں آنے دیتی ہے یا نہیں۔عدنا ن سمیع کو ہندوستانی شہریت کے باوجود انتہا پسندوں کی جانب سے دھمکیاں ملتی ہیں۔اس فلم کو رادھکا راواور ونے سپرو ڈائریکٹ کریں گے
سو شانت سنگھ فلم ؛؛کیدارناتھ ،، میں ڈاکو کے روپ میں نظرآئیںگے
ممبئی(مانیٹرنگ ڈیسک) بالی ووڈ اداکار سو شانت سنگھ فلم ؛؛کیدارناتھ ،، میں ڈاکو کے روپ میں نظر آئیں گے ۔ذرائع کا کہنا ہے کہ سوشانت آئندہ ستمبر میں فلم کی شوٹنگ کا آغاز کریں گے ۔زرائع کا کہنا ہے کہ سیف علی خان اور امریتا سنگھ کی بیٹی سارہ علیخان کے بھی اس فلم میں ڈیبیو کا امکان ہے ۔ سوشانت کا کردار فلم میں ان کے دیگر کرداروں کے مقابلے میں بالکل مختلف ہے۔
