سڈنی (نیوز ڈیسک) بھارتی کرکٹ ٹیم کے بلے باز ویرات کوہلی نے کپتان مہندرا سنگھ دھونی کے ریٹائرمنٹ کے اعلان سے متعلق حیران کن انکشاف کردیا۔آسٹریلیا سے ورلڈ کپ سیمی فائنل ہارنے سے قبل ویرات کوہلی نے انکشاف کیا کہ دھونی کی ٹیسٹ سے ریٹائرمنٹ کے اعلان پر روپڑے تھے۔میڈیا رپورٹس کے مطابق کوہلی کا کہنا تھاکہ وہ دھونی کی قیادت کے بغیر ٹیسٹ میچز کھیلنے کا تصور بھی نہیں کرسکتے تھے۔ان کے بقول جب انہیں دھونی کی ریٹائرمنٹ لینے کا علم ہوا تو شدید صدمے کے باعث ہوٹل کے کمرے میں پہنچتے ہی رو پڑا تھا۔واضح رہے کہ دھونی کچھ عرصہ قبل ٹیسٹ سے ریٹائرمنٹ کا اعلان کرچکے ہیں تاہم اپنے تازہ بیان میں انہوں نے ون ڈے کیریئر جاری رکھنے کا اعلان کیا ہے۔