کراچی(نیوز ڈیسک) سندھ ہائی کورٹ نے تیز باو¿لر محمد عامر پر تاحیات پابندی سے متعلق درخواست مسترد کر دی۔یہ درخواست 2010 کےسپاٹ فکسنگ سکینڈل میں ہوئی عامر کی سزا ختم ہونےکے بعد ڈومیسٹک کرکٹ میں واپسی پر دائر کی گئی تھی۔انٹرنیشنل کرکٹ کونسل نے اختیارات استعمال کرتے ہوئے ستمبر 2015 میں ختم ہونے والی پانچ سالہ پابندی سے تھوڑا عرصہ پہلے ہی عامر کو ڈومیسٹک کرکٹ کھیلنے کی اجازت دے دی تھی۔درخواست گزار وکیل رانا فیض الحسن نے فروری میں دائر اپیل میں موقف اختیار کیا تھا کہ پاکستان کا امیج خراب کرنے پر22 سالہ کرکٹر پرتاحیات پابندی لگائی جائے۔تاہم، حسن کے مسلسلر غیر حاضر ہونے کی وجہ سے عدالت نے منگل کو پٹیشن مسترد کر دی۔ حسن نے اے ایف پی کو بتایا عدالت نے درخواست کی پیروی نہ کیے جانے پر اسے مسترد کیا۔حسن کے مطابق وہ بے پناہ ‘مصروفیات’ کی وجہ سے عدالت میں پیش نہیں ہوئے، جس پر دو رکنی بینچ نے درخواست رد کر دی۔یاد رہے کہ عامر نے 13 مارچ کو فرسٹ کلاس سے ایک درجہ نیچے گریڈ ٹو میچ میں تین وکٹیں لےکر پاکستان کرکٹ میں واپسی کی۔عامر کے علاوہ سلمان بٹ اور محمد آصف پربھی 2010 میں انگلینڈ کے خلاف لارڈز ٹیسٹ میچ میں سپاٹ فکسنگ ثابت ہونے پر پابندی کی سزائیں ہوئی تھیں۔ اے ایف پی