روم(آئی این پی)امریکی صدرڈونلڈ ٹرمپ کو اہلیہ کے بعد کیتھولک عیسائیوں کے روحانی پیشوا پوپ فرانسس کی جانب سے بھی نفرت کا سامنا ،امریکی صدر کی غیرسنجیدہ حرکت پر پوپ نے غصے میں آکر ٹرمپ کا ہاتھ جھٹک دیا ،امریکی سرکاری ٹی وی نے ویڈیو جاری کرکے پول کھول دیا ،ویڈیو سوشل میڈیا پر بھی وائرل ہوگئی ۔
امریکی ٹی وی سی این این کی طرف سے جاری ویڈیو میں دیکھا جاسکتا ہے کہ امریکی صدرڈونلڈ ٹرمپ کیتھولک عیسائیوں کے روحانی پیشوا پوپ فرانسس کے ساتھ کھڑے ہیں اور باتوں کے دوران وہ پوپ کے ہاتھ کو پکڑنے کی کوشش کرتے ہیں جس پر پوپ غصے میں آگئے اور انھوں نے امریکی صدر کا ہاتھ جھٹک دیا۔واضح رہے کہ امریکی صدر اٹلی کے دارالحکومت روم پہنچے تو طیارے سے اترتے ہوئے انکی اہلیہ میلانیا ٹرمپ نے انکا ہاتھ جھٹک دیا تھا جبکہ اس سے قبل اسرائیل میں بھی امریکی خاتون اول نے ٹرمپ کا ہاتھ جھٹک دیا تھا جس پر انھیں شرمندگی کا سامنا کرنا پڑا تھا۔
