اسلام آباد (آئی این پی) تحریکِ انصاف کے مرکزی ترجمان و میڈیا ایڈوائزر فیاض الحسن چوہان نےNA-56 سے الیکشن لڑنے کا اعلان کر دیا۔ اُنہوں نے کہا کہ پارٹی کی مر کزی اور صوبائی قیادت نے اس سلسلے میں مجھے واضح طور پر گرین سگنل دے کر الیکشن مہم شروع کر نے کا حکم دے دیا ہے اور میں نے حلقے میں پارٹی کے کارکنان اور عہدِ داران کو متحرک کرنے کے لیے مہم شروع کر دی ہے۔
اُنہو ں نے مزید کہا کہ شیخ رشید مسلسل غلط بیا نی سے کام لے کر NA-56 سے الیکشن لڑنے کا واویلا مچا رہے ہیں اور اگر شیخ رشید دو سیٹوں پر الیکشن لڑنے کے خواہشمند ہیں تو اُنہیں چاہیے کہ وہ باقاعدہ تحریکِ انصاف جوائین کر لیں۔فیاض الحسن چوہان نے دعوی کیا کہ NA-56 سے تحریکِ انصاف کے ٹکٹ سے لڑنے والے 90 فیصد سے زائد چیئرمین/ وائس چیئرمین اور کونسلرز میرے ساتھ کھڑے ہیں اور تحریکِ انصاف راولپنڈی میں لاوارث اور بانجھ نہیں ہے کہ اُسے اُمیدوار نہ مل سکیں۔اِن خیالات کا اظہار فیاض الحسن چوہان نے چیئرمین/ وائس چیئرمین کے خصوصی اجلاس سے خطاب کرتے ہوئے کیا۔ اجلاس میں راجہ واجد رفیق، راجہ سجاد حیدر ، رانا سہیل ، حافظ زاہد خان ، چوہدری منظور ، ساجد عزیز بھٹی ، محمد ارشاد ، ساجد عباسی ، راجہ محمد علی ، حاجی محمود اکبر ، چوہدری عامر ، ممتاز خان اور الحاط اظہر اقبال ستی کے علاوہ دیگر اُمیدواران چیئرمین اور وائس چیئر مین نے شرکت کی۔اجلاس میں راجہ واجد رفیق، راجہ سجاد حیدر ، رانا سہیل ، حافظ زاہد خان ، چوہدری منظور ، ساجد عزیز بھٹی ، محمد ارشاد ، ساجد عباسی ، راجہ محمد علی ، حاجی محمود اکبر ، چوہدری عامر ، ممتاز خان اور الحاط اظہر اقبال ستی کے علاوہ دیگر اُمیدواران چیئرمین اور وائس چیئر مین نے شرکت کی۔
