ٹورنٹو (این این آئی) بالی ووڈ ادا کار شاہ رخ خان نے کہا ہے کہ میں 51سال کا فلمی سٹار ہوں ٗ اپنی فلموں میں 21سال کے لڑکے کی طرح برتائو کرتا ہوں ۔ میڈیا رپورٹ کے مطابق کینیڈا کے وینکوورکنونشن سینٹر میں شاہ رخ نے کہا کہ میں 51 سال کا فلمی سٹار ہوں اور میں ابھی تک بوٹوکس استعمال نہیں کرتا تاہم جیسا آپ نے دیکھا ہے ٗمیں اپنی فلموں میں 21 سال کے لڑکے کی طرح برتاؤ کرتا ہوں۔انھوں نے کہا کہ

میں خواب بیچتا ہوں جس سے مجھے انڈیا کے لاکھوں لوگوں کا پیار ملتا ہے اور انھوں نے مان لیا ہے کہ میں دنیا کا بہترین عاشق ہوں جبکہ اصل زندگی میں میں ایسا نہیں ہوں۔شاہ رخ نے اپنے والد کی موت کا ذکر کرتے ہوئے کہاکہ جب میرے والد کی موت ہوئی ٗمیں 14 سال کا تھا۔ میں نے ان کی لاش گاڑی کی پچھلی سیٹ پر رکھی ماں میرے ساتھ تھیں اور میں گاڑی چلا کر ہسپتال سے واپس آنے لگا روتے ہوئے میری ماں نے میری طرف دیکھا اور کہا کہ تم نے گاڑی چلانا کب سیکھا ٗمیں نے کہا کہ بس ابھی ابھی ٗاس رات کے بعد سے میں نے دنیا میں سروائیو کرنے کے طریقے سیکھے