راولپنڈی(آئی این پی)ڈان لیکس کے معاملہ پر پاک فوج کی طرف سے ٹویٹ واپس لینے اور معاملہ خوش اسلوبی سے طے ہونے کے بعد حکومت کو مسلسل شدید تنقید کا نشانہ بنانے والے ٹی وی اینکرز عوامی مسلم لیگ کے سربراہ شیخ رشید کے نشانے پر آ گئے اور شیخ رشید نے ان ٹی وی اینکرز پر مایوسی پھیلانے اور نواز شریف کا ساتھ دینے کا الزام عائد کر دیا۔شیخ رشید نے کہا کہ ہمت نہ ہاریں ‘ حکمران جائیں گے ‘
تفصیلات کے مطابق نجی ٹی وی چینل اے آر وائی کے اینکر پرسن صابر شاکر اور عارف حمید بھٹی کی طرف سے ڈی جی آئی ایس پی آر کی پریس کانفرنس کے بعد پروگرام میں جب دونوں اینکرز بالخصوص عارف حمید بھٹی نے بعض ایسی باتیں کیں جس سے ان کے چہرے پر مایوسی کے آثار نمایاں دکھائی دے رہے تھے کہ اسی دوران عوامی مسلم لیگ کے سربراہ شیخ رشید بھی ٹیلیفون پر پروگرام میں آ گئے اور عارف حمید بھٹی کے ریمارکس پر غصے کا اظہار کرتے ہوئے کہا کہ آپ مایوسی نہ پھیلائیں ۔اس دوران شیخ رشید نے کہا کہ ہمت نہ ہاریں ‘ حکمران جائیں گے ‘ ڈان لیکس کا معاملہ ابھی ختم نہیں ہوا ‘ یہ ابھی مزید آگے جائے گا ‘ نواز شریف چاہتے ہیں فوج آئے اور وہ ہیرو بن جائیں ‘ حکمران اپنی سیاسی موت مرنے جا رہے ہیں‘ پریس ریلیز پر کسی کے دستخط موجود نہیں ہیں ‘ پانامہ کیس نواز شریف کی سیاسی موت ہے‘ عارف بھٹی میں آپ کو اپنی آواز سمجھتا ہوں‘ آپ جیسے بندے صبح سے ٹی وی پر بیٹھ کر مایوسی کی باتیں کر رہے ہیں ‘ ہوا کیا ہے جو آپ اتنے مایوس ہو گئے ہیں ‘ آپ قوم کو حوصلہ دیں‘ بھٹی صاحب آپ کو بچپن سے کتنا پیار کیا مگر آج آپ کے خلاف ہے ‘آپ سے مایوسی پھیلا پھیلا کر نواز شریف کا کیس مضبوط کر دیا ہے۔ پہلے میں نے کہا تھا قانون اور (ن) میں سے کسی کا جنازہ نکلے گا مگر آج کہتا ہوں کہ (ن) کا ہی جنازہ نکلے گا ‘
سویلین بالادستی قومی سلامتی توڑ کر بنائی گئی۔ شیخ رشید نے کہا کہ جنرل (ر) جہانگیر کرامت تو آپا جی تھے اس لئے نواز شریف نے ان کو آرام سے سائیڈ پر کر دیا تھا۔
