اسلام آباد(مانیٹرنگ ڈیسک) وزیراعظم سیکرٹریٹ نے بجٹ 2017-18کےلئے بجٹ تجاویزوزارت خزانہ کوبھجوادی ہیں اورنئے مالی سال کےلئے وزیراعظم ہائوس کے روز مرہ کے اخراجات کی مدمیں 9کروڑ50لاکھ روپے کی تجویزبھجوائی گئی ہے ۔ وزیراعظم ہائوس کے روزمرہ کے اخراجات میں جن میں کھانے ،مہمانوں کی تواضح سمیت کچھ دیگراخراجات کا تخمینہ روزانہ 251793 روپے ،

ماہانہ 7553790اور سالانہ 90645480 لگایا گیا ہے اوریہ تجویزوزارت خزانہ کوارسال کردی گئی ہے ۔وزیراعظم ہائوس کے ان اخراجات کاتخمینہ نئے مالی سال کےلئے لگایاگیاہے ۔واضح رہے کہ اس تخمینے میں وزیراعظم ہائوس کے افسران اورملازمین کی تنخواہیں شامل نہیں ہیں ان کااعلان وزارت خزانہ الگ سے کرے گی جبکہ وزیراعظم خود بھی سیکریٹریٹ ملازمین کی تنخواہیں بڑھانے کااختیاررکھتے ہیں ۔