شارجہ(نیوز ڈیسک) اسماویہ اقبال کی ا ل راؤنڈر پرفارمنس نے پاکستان ویمنز ٹیم کو جنوبی افریقہ کیخلاف پہلے ٹوئنٹی20 میچ میں 5وکٹ سے سرخرو کرا دیا۔تفصیلات کے مطابق پاکستانی خواتین نے جنوبی افریقہ کے خلاف ون ڈے سیریز میں شکست کے بعد اپنی غلطیوں سے سبق سیکھ لیا، گذشتہ روز ٹوئنٹی 20 میں ٹیم نے فاتحانہ ا?غاز کیا۔ شارجہ کرکٹ گراؤنڈ میں ٹاس جیت کر پہلے فیلڈنگ کا فیصلہ درست ثابت ہوا، پاکستانی بولرز نے عمدہ کارکردگی کا مظاہرہ کرتے ہوئے حریف پلیئرز کو وقفے وقفے سے پویلین بھیجنے کا سلسلہ جاری رکھا، نپی تلی بولنگ کے سبب مہمان ٹیم مقررہ اوورز میں 7 وکٹ پر صرف 101رنز ہی بنا سکی، میگنن ڈو پریز نے صرف 39 گیندوں پر 3 چوکوں کی مدد سے 41 رنز کی عمدہ اننگز کھیلی، ڈین وین نیکرک نے 25 رنز بنائے، نڈائن موڈلے 17 رنز بنا سکیں، ٹریشا چیٹی8، شبنم اسماعیل4 اور برناڈین2رنز تک محدود رہیں، لزلی اور سونی لیز کو رن بنانے کا موقع نہ ملا۔اسماویہ اقبال سب سے کامیاب بولر ثابت ہوئیں، انھوں نے 4 اوورز میں23 رنز دے کر 3پلیئرز کو اؤٹ کیا، سمعیہ صدیقی اور کپتان ثنا میر نے ایک، ایک وکٹ حاصل کی۔ جواب میں مرینہ اقبال کی عمدہ بیٹنگ نے پاکستانی ٹیم کو18.3 اوورز میں صرف 5 وکٹ پر ہدف تک پہنچا دیا، مرینہ اقبال نے46گیندوں پر5 چوکوں کی مدد سے 42 رنز بنائے۔ اسماویہ اقبال نے بولنگ کے بعد بیٹنگ کے جوہر بھی دکھائے اور 18 گیندوں پر 3 چوکوں کی مدد سے ناقابل شکست 23رنز اسکور کیے، بسمہٰ معروف 19، ندا ڈار 10، نین عابدی3، ثنا میر2 جبکہ جویریہ خان بغیر کوئی رن بنائے ا?ؤٹ ہوئیں، سیونی لیز نے صرف 14 رنز دے کر 3 کھلاڑیوں کو پویلین کا راستہ دکھایا، شبنم اسماعیل اور ڈین وین نے ایک، ایک وکٹ حاصل کی۔