اسلام آباد (آئی این پی )پاکستان کا تجارتی خسارہ تاریخ کی بلند تری سطح تک پہنچ گیا،مارچ2017میں پاکستان کا تجارتی خسارہ3 کھرب 36ارب روپے سے زائد رہا۔مالی سال 2016-17 (جولائی تا مارچ) تک پاکستان کا تجارتی خسارہ 23385ملین ڈالر(24کھرب48ارب روپے سے زائد) تک پہنچ گیا۔ادارہ شماریات کے تازہ ترین اعدادوشمار کے مطابق گذشتہ ماہ مارچ میں پاکستان نے دنیا بھر میں ایک کھرب 88ارب60کروڑ روپے سے

زائد مالیت کی اشیاء برآمدکیں جبکہ اس کے مقابلے میں پاکستان نے گذشتہ ماہ مارچ میں دنیا بھر سے پانچ کھرب24ارب اور 66کروڑ روپے مالیت کی اشیاء درآمد کیں۔ گذشتہ ماہ مارچ میں پاکستان کا تجارتی خسارہ تین کھرب 36ارب6 کروڑ روپے سے زائد رہا۔واضح رہے کہ فروری 2017 میں پاکستان کی برآمدات 1638ملین ڈالر تھی۔ مالی سال 2016-17 جولائی تا مارچ تک پاکستان نے برآمدات 15119 ملین ڈالر رہیں ۔