لاہور (نیوز ڈیسک) ہنڈا اٹلس نے تکنیکی مسائل اور خریداروں کی شکایات پر کئی گاڑیوں کے ماڈلز کیلئے مفت اپ گریڈ کی سہولت دینے کا اعلان کر دیا ہے۔ ذرائع کے مطابق پاکستان میں ہنڈا اٹلس کی بیچی جانے والی گاڑیوں کے کئی ماڈلز میں سی آر ایس ائیر بیگ میں

خرابی کی شکایات سے کمپنی مسائل کا شکار ہو گئی اور ان مشکلا ت سے نمٹنے کے لئے کمپنی نے اپنے کسٹمرز کو مفت اپ گریڈ کی سہولت کی پیش کش کی ہے۔کمپنی کی جانب سے ہنڈا سوک کے 2006 سے 2012 اور ہنڈا سی آر وی کے 2008 سے 2011 تک کے ماڈلز اور ہنڈا اکارڈ کے 2004 سے 2012 تک کے ماڈلز کے مالکان کو ہدایت کی ہے کہ وہ اپنی گاڑیوں کا ہنڈا اٹلس کے کسی بھی سروس سینٹر سے فوری مفت معائنہ کروائیں۔