اسلام آباد(آئی این پی) معروف دفاعی تجزیہ کاربریگیڈیئر (ر)غضنفر علی نے کہا ہے کہ حسین حقانی کے مضمون کی بناء پر سابق وزیراعظم یوسف رضا گیلانی ان کی پرنسپل سیکرٹری نرگس سیٹھی اور اس وقت کے ڈی جی آئی ایس آئی سے تحقیقات کی جائیں،حکومت وقت پر ذمہ داری عائد ہوتی ہے کہ وہ کوئی تحقیقاتی کمیشن بنائے،اگر مصلحتوں کو سامنے رکھا جائے تو پھر حقائق کبھی سامنے نہیں آسکتے۔بدھ کو ڈی جی آئی
ایس پی آر کے حسین حقانی کے مضمون کے متعلق بیان پر ردعمل دیتے ہوئے غضنفر علی نے کہا کہ پیپلزپارٹی نے حسین حقانی کو امریکہ میں سفیر تعینات کرکے اسے اتنے اختیارات دیئے کہ وہ واشنگٹن سے ہی امریکیوں کو ویزے جاری کرتا رہا اس نے بلیک واٹر اور خفیہ ایجنسیوں کے نمائندوں کو ویزے جاری کیے۔انہوں نے کہا کہ سابق وزیراعظم کی سیکرٹری نرگس سیٹھی اور اس وقت کے ڈی جی آئی ایس آئی سے تحقیقات کی جانی چاہئیں
