واشنگٹن(مانیٹرنگ ڈیسک)پاکستانیوں کی بڑی تعداد کو دنیا بھر میں قدر کی نگاہ سے دیکھا جا تا اس کی ایک وجہ یہ ہے کہ اللہ تعالی نے پاکستانیوں کو ذہین بنایاہے ۔اسی ذہانت کی بنا پر پاکستانی شہری دنیا بھر میں ملک کا نام روشن کر رہے ہیں۔پاکستانی نژاد ڈاکٹر عادل حیدر کو ان کی خدمات کے اعتراف میں امریکا میں تارکین وطن کے اعلیٰ اعزازی میڈل’ایلس آئی لینڈ‘ سے نوازا گیا ہے۔غیر ملکی خبر ایجنسی کے مطابق امریکی ریاست اوہایو میں پیدا ہونے والے ڈاکٹر عادل حیدر نے

اپنی ابتدائی تعلیم کراچی سے حاصل کی، آغا خان یونیورسٹی سے ایم بی بی ایس کرنے کے بعد وہ واپس امریکا چلے گئے جہاں وہ ٹراما سرجن کی حیثیت سے خدمات سرانجام دینے لگے۔واضح رہے کہ ’ایلس آئی لینڈ‘ کا اعزازی میڈل ان امریکی شہریوں کو دیا جاتا ہے جو امریکی معاشرے میں بہتری کے لیے بے لوث خدمات سر انجام دیتے ہیں۔ ڈاکٹرعادل سے قبل 7 سابق امریکی صدور، کئی عالمی رہنما اور 2 نوبیل انعام یافتہ شخصیات کو بھی اس یہ اعزازی میڈل سے نوازا جاچکا ہے۔