اسلام آباد (مانیـٹرنگ ڈیسک) م طالب علم یونیورسٹی میں تدریسی عمل ختم ہونے کے فوراً بعد اپنے گھروں یا ہوسٹلز میں چلے جائیں،لڑکے کلاس رومز کے باہر لڑکیوں کے ساتھ بات چیت مت کریں۔شاہ عبداللطیف یونیورسٹی خیرپور انتظامیہ نے صنفی علیحدگی سے متعلق نوٹیفکیشن جاری کر دیا، غیر ضروری بات چیت کرنےاورقواعد کی خلاف ورزی پرسخت کارروائی کاعندیہ۔
تفصیلات کے مطابق شاہ عبدالطیف یونیورسٹی خیرپور کی انتظامیہ نے ’صنفی علیحدگی‘ سے متعلق ایک نوٹیفکیشن جاری کیا ہے جس میں کہا گیا ہے کہ تمام طالب علم یونیورسٹی میں تدریسی عمل ختم ہونے کے فوراً بعد اپنے گھروں یا ہوسٹلز میں چلے جائیں۔ نوٹیفکیشن میں واضح طور لڑکوں کو لڑکیوں کے کامن روم کے قریب جانے سے منع کرنے کے علاوہ یہ بھی کہا گیا ہے کہ لڑکے کلاس رومز کے باہر لڑکیوں کے ساتھ بات چیت مت کریں۔ نوٹیفکیشن میں انتباہ کیا گیا ہے کہ ان ہدایات پر عمل نہ کرنے والے طلبہ و طالبات کو سخت کارروائی کا سامنا کرنا پڑے گا۔واضح رہے کہ گزشتہ سال اپریل کے مہینے میں اسی طرح کا ایک نوٹیفکیشن سوات یونیورسٹی کی انتظامیہ نے بھی جاری کیا تھا جس میں کیمپس کے اندر اور باہر لڑکے اور لڑکیوں کے اکٹھے چلنے، بات چیت کرنے اور بیٹھنے پر پابندی عائد کی گئی تھی ۔
