اسلام آباد(مانیٹرنگ ڈیسک) دودھ اور لہسن دونوں ہی ہماری زندگی میں عام استعمال کئے جاتے ہیں اور بے شمار خوبیوں کی وجہ سے بہت سی بیماریوں میں انکا استعمال بھی کیا جاتا ہے.

ماہرین کے مطابق دودھ اور لہسن ملا مشروب پینے سے دمہ، جوڑوں کے درد سمیت کئی بیماریوں سے بچا جا سکتا ہے۔ دودھ میں لہسن ملانے کا خیال شاید عجیب سا لگتا ہے لیکن تجربات سے ثابت ہوا ہے کہ اس مشروب کے استعمال سے انسان کئی بیماریوں سے بچ سکتا ہے۔ مشروب کی تیاری کے لئے سب سے پہلے لہسن کے10 جووں کو اچھی طرح سے کچل کر پیسٹ بنا لیں پھر اسے آدھا لیٹر دودھ اور پانی میں مکس کر کے درمیانی آنچ پر گرم کرنے کے بعد اسے چھان لیں اور اس میں 3 چمچے شکر ملالیں، اس مشروب کو نیم گرم پیءں۔ماہرین کے مطابق اس مشروب کو چند روز تک استعمال کرنے سے دمہ، جوڑوں کے درد، کھانسی، یرقان ، اعصابی کھنچاؤاور تپ دق سمیت کئی بیماریوں سے محفوظ رہنے کے ساتھ ساتھ کولیسٹرول کو بھی کم کیا جا سکتا ہے۔

موضوعات:دودھ اور لہسن