اسلام آباد(مانیٹرنگ ڈیسک) امریکا کے ماہرین صحت کا کہنا ہے کہ وٹامن بی کا استعمال آلودگی کے جسم پر اثرات کا ازالہ کر سکتا ہے۔کولمبیا ، ہاورڈ یونیورسٹی کے ماہرین کے مطابق وٹامن بی کی تھوڑی مقدار کا باقاعدہ استعمال فضائی آلودگی سے ہونے والے جسمانی اثرات کو زائل کرسکتا ہے۔ دنیا کے اکثر شہروں کی فضا آلودگی سے بوجھل ہوچکی ہے ، دنیا کے 92 فیصد شہر کی ہوا آلودگی کے مقررہ معیارات سے تجاوز کرچکی ہے۔ان میں سلفیٹ ،سیاہ کاربنذیادہ خطرناک

تصور کی جاتی ہے جو پھیپھڑوں سے لے کر امراضِ قلب کی وجہ بن سکتے ہیں، فضا میں شامل زہریلے مرکبات زندگی کو کم کرنے کا سبب بھی بنتے ہیں۔ماہرین کے مطابق فضا میں موجود آلودگی کے وہ باریک ذرات جو 2.5 مائیکرومیٹر سے چھوٹے ہوتے ہیں وہ انسانوں کے لیے زیادہ خطرناک ہوتے ہیں، انہیں پی ایم 2.5 بھی کہا جاتا ہے، یہ مرکبات گاڑیوں کے ایندھن جلنے ،لکڑی جلنے سے پیدا ہوتے ہیں،اتنے چھوٹے ہوتے ہیں کہ پھیپھڑے کی گہرائی تک اتر کر اعضا کو متاثر کرتے ہیں۔

موضوعات:وٹامن بی