اسلام آباد(مانیٹرنگ ڈیسک)چینی کمپنیاں صوبہ خیبرپختونخوا میںبھاری سرمایہ کاری کریں گی،مختلف منصوبوں پر 20ارب ڈالر لاگت آئے گی، معاہدہ طے پا گیا۔ تفصیلات کے مطابق چینی کمپنیاں پاکستان کے صوبہ خیبرپختونخواہ میں 20ارب ڈالر کی سرمایہ کاری کریں گی اس حوالے سے پشاور میں معاہدہ طے پا گیاہے۔معاہدے کے تحت چینی کمپنیاں

خیبرپختونخوا میں تیل صاف کرنے کے کارخانے کی تعمیر، چشمہ لفٹ ایریگیشن سکیم، پن بجلی منصوبے اور صوابی ، ڈی آئی خان ہوائی اڈوں کی تعمیر، چترال ، ڈی آئی خان موٹر وے ، ریلوے لائن، آپٹیکل فائبر ، پاور ٹرانسمیشن لائن ، سستے گھر، پشاور سرکلر ریلوےاور کوہاٹ انڈس ہائی وے پر سرنگ کی تعمیر کا کام مکمل کریں گی ۔معاہدے پر دستخط کی تقریب سے خطاب کرتے ہوئے وزیراعلیٰ خیبرپختونخواہ پرویز خٹک کا کہنا تھا کہ خیبرپختونخوا کو سی پیک سے بہت فائدہ ہو گا۔