شارجہ(این این آئی)پاکستان ٹیسٹ کرکٹ ٹیم کے کپتان مصباح الحق نے کہاہے کہ وہ پاکستان کرکٹ بورڈ (پی سی بی) کے چیئرمین شہریار خان سے ملاقات کرکے اپنے مستقبل کے منصوبوں کے حوالے سے بات چیت کریں گے۔ایک انٹرویومیں مصباح الحق نے کہاکہ وہ ویسٹ انڈیز سیریز کھیلنے کو تیار ہیں، لیکن ان کی کپتانی کے معاملے کا فیصلہ پی سی بی کرے گا۔مصباح نے کہا کہ میں ایک دو دن میں چیئرمین پی سی بی سے ملاقات کروں گا اور انھیں اپنے منصوبے کے حوالے سے بتاؤں گا ٗمیں سیریز کیلئے دستیاب ہوں تاہم میری کپتانی بورڈ کے ہاتھ میں ہے اور چیئرمین اس کا فیصلہ کریں گے۔
کراچی کننگز کے ہاتھوں شکست سے دوچار ہونے کے معاملے پر اسلام آباد یونائٹڈ کے کھلاڑی مصباح نے کہ اکہ 127 کا ہدف کچھ زیادہ مشکل نہیں تھا، لیکن ہماری بیٹنگ ناقص تھی۔انھوں نے کہا کہ کراچی کنگز کے باؤلرز نے بہت اچھی کارکردگی دکھائی لیکن ہماری بیٹنگ اچھی نہیں تھی ٗ اگرچہ وکٹ تھوڑی مشکل تھی لیکن 127 ایسا اسکور تھا، جو حاصل کیا جاسکتا تھا۔مصباح نے اعتراف کیا کہ شرجیل اور خالد کی معطلی کی وجہ سے ٹیم متاثر ہوئی۔انہوں نے کہاکہ دونوں نے گذشتہ سیشن میں اچھا کھیلا تھا اور وہ دونوں اچھی فارم میں تھے ٗان کے انخلاء نے ہماری ٹیم اور پلانز کو بہت متاثر کیا۔
