شارجہ (مانیٹرنگ ڈیسک)پاکستان سپرلیگ کے پہلے پلے آف میچ میں پشاورزلمی کوسنسنی خیزمقابلے کے بعد کوئٹہ گلیڈی ایٹرزکی کامیابی اورفائنل تک رسائی میں احمد شہزاد نے کلیدی کرداراداکیاانہوں نے اس میچ میں شاہد آفریدی کو2چھکے مارے اوران کی خوب دھلائی کی لیکن میچ ہارنے کے باوجود شاہد آفریدی نے احمد شہزاد کے نام سماجی رابطے کی ویب سائیٹ ٹوئیٹرپرایک شاندارپیغام دیاجس نے بھی یہ پیغام پڑھاوہ خوش ہوگیا۔پشاورزلمی کے آل راونڈربوم بوم نے احمد شہزاد کومبارکبادکاپیغام دیتے ہوئے کہاکہ ’’مبارک ہولڑکے ۔۔۔!تمھارافطری کھیل ہی تمھاری اصل طاقت ہے ،

سخت محنت جاری رکھو،انشااللہ پشاورزلمی ٹورنامنٹ میں جاندارواپسی کرے گی ۔’’احمد شہزاد شاہد ا ٓفریدی کے اس پیٖغام پراس قدرخوش ہوئے کہ جواب میں ان کاشکریہ اداکرتے ہوئے کہاکہ ’’میں نے ہمیشہ آپ جیسے بہترین لوگوں سے سیکھاہے ،شکریہ لالہ ۔۔۔!آپ کی اننگزبھی بہت ہی شانداراورمتاثرکن تھی ،میری طرف سے پشاورزلمی کی واپسی کےلئے نیک خواہشات ۔۔۔‘‘پاکستانی سٹارزکے اس رویے کوپاکستانی شائقین نے خوب داددی ہے اورکہاہے کہ کھلاڑیوں کواسی طریقے سے ایک دوسرے کوسپورٹ کرنے سے پاکستان میں کرکٹ کوفروغ دیاجاسکتاہے ۔