لندن (آئی این پی)۔پشاور زلمی کے سربراہ جاوید آفریدی کا کہنا ہے کہ اگر ان کی ٹیم فائنل میں پہنچی تو ان کا پورا اسکواڈ لاہور جائے گا۔کراچی کنگز کے سربراہ سلمان اقبال کا کہنا ہے کہ فی الحال ان کی ٹیم کی توجہ پلے آف مرحلے پر ہے۔ ابھی تک ان کے غیرملکی کھلاڑیوں نے نہ انکار کیا ہے نہ اقرار۔
برطانوی میڈیا نے دعویٰ کیا ہے کہ پی ایس ایل فائنل کے لیے غیر ملکی کمنٹیٹرز لاہور نہیں آئیں گے ، گرینڈ فائنل کے لیے براڈکاسٹر کی تبدیلی کا بھی امکان ہے ، پاکستان سپر لیگ کے میچوں میں کمنٹری کرنے والے غیر ملکی کمنٹیٹرز فائنل کے لیے لاہور نہیں آئیں گے۔ چار غیر ملکی کمنٹیٹرز ای این بشپ ، ڈینی موریسن ، ایلن ولکنز اور خاتون میل جونز پی ایس ایل میں کمنٹری کر رہی ہیں۔
برطانوی نشریاتی ادارے کے مطابق ای این بشپ ویسٹ انڈیز اور انگلینڈ کی سیریز کی کمنٹری کے لیے جزائر غرب الہند جا رہے ہیں۔ بقیہ تینوں غیرملکی کمنٹیٹرز فائنل کے لیے لاہور نہیں آئیں گے۔ پاکستان سپر لیگ کے میچوں کو دکھانے والے براڈ کاسٹر کی تبدیلی ہونے والی ہے اور لاہور میں فائنل کے نشریاتی حقوق کسی دوسرے براڈ کاسٹر کو دیئے جاسکتے ہیں۔ پی ایس ایل کے براڈ کاسٹر نے غیر ملکی کمنٹیٹرز سے کہا ہے کہ ان کا معاہدہ پلے آف میچز تک ہے جس کے بعد ان سے نیا معاہدہ نیا براڈ کاسٹر کرسکتا ہے۔ برطانوی میڈیا نے یہ بھی دعویٰ کیا ہے کہ پاکستان سپر لیگ کے میچوں کو دکھانے والے براڈ کاسٹر کی تبدیلی ہونے والی ہے اور لاہور کے فائنل کے نشریاتی حقوق کسی دوسرے براڈ کاسٹر کو دیے جاسکتے ہیں۔موجودہ براڈ کاسٹر نے موجودہ کمنٹیٹرز سے کہا ہے کہ ان کا معاہدہ پلے آف میچز تک ہے جس کے بعد ان سے نیا معاہدہ نیا براڈ کاسٹر کرسکتا ہے۔دوسری جانب لاہور میں فائنل کے انعقاد کی منظوری کے بعد پلے آف کھیلنے والی چاروں ٹیموں کی انتظامیہ کا ملا جلا ردعمل سامنے آیا ہے۔پشاور زلمی کے سربراہ جاوید آفریدی کا کہنا ہے کہ اگر ان کی ٹیم فائنل میں پہنچی تو ان کا پورا اسکواڈ لاہور جائے گا۔کراچی کنگز کے سربراہ سلمان اقبال کا کہنا ہے کہ فی الحال ان کی ٹیم کی توجہ پلے آف مرحلے پر ہے۔ ابھی تک ان کے غیرملکی کھلاڑیوں نے نہ انکار کیا ہے نہ اقرار۔
فائنل میں پہنچنے کی صورت میں ان کھلاڑیوں سے بات کی جائے گی۔اسلام آباد یونائٹڈ اور کوئٹہ گلیڈی ایٹرز کی انتظامیہ کا بھی یہی کہنا ہے کہ اس مرحلے پر وہ کچھ نہیں کہہ سکتے ابھی ان کی توجہ پلے آف پر ہے۔
