اسلام آباد(نیوز ڈیسک)ہندوستانی صحافیوں کے نیوزی لینڈ میں کرکٹ ٹیم کے ہوٹل میں داخلے پر ہی پابندی عائد کردی گئی ہے۔ٹیم مینجمنٹ پہلے ہی اپنے ملک سے آنے والے صحافیوں کی فوج سے فاصلہ اختیار کیے ہوئے ہے لیکن ایڈیلیڈ،میلبورن،پرتھ اور ہیملٹن میں صحافی کسی طرح ہوٹل کی لابی تک رسائی میں کامیاب ہو جاتے تھے مگر آکلینڈ کے ”ہیرٹج ہوٹل“میں تو پاﺅں رکھنے سے بھی منع کردیا گیا ہے۔اس سلسلے میں الیکٹرانک میڈیا کے نمائندوں کی اس وقت ہوٹل سیکیورٹی سے تکرار بھی ہوگئی جب وہ باہر روڈ پر کھڑے ہوکر کھلاڑیوں کی نقل و حرکت کی فلمبندی کر رہے تھے۔یہ بھی معلوم ہوا کہ چند صحافیوں نے جب ریفرشمنٹ کیلیے ہوٹل کی کافی شاپ کا رخ کرنا چاہا تب بھی انھیں روک کر باہر سے ہی کافی پینے کی ہدایت دی گئی۔