لاہور ( این این آئی) مکسڈ مارشل آرٹ کے فائٹر بشیر احمد لاہور ڈیفنس دھماکے میں بال بال بچ گئے۔تفصیلات کے مطابق مکسڈ مارشل آرٹ کے پاکستانی فائٹر بشیراحمد لاہور کے علاقے ڈیفنس کے زیڈ بلاک میں واقع ہیئر سیلون میں فوٹو شوٹ کی تیاری کے لیے موجود تھے اور وہاں سے جب وہ روانہ ہوئے تو ٹھیک 2 منٹ بعد عین اسی جگہ پر زور دار دھماکا ہوا
جس کے باعث قیمتی انسانی جانیں ضائع ہوئیں جبکہ بشیر احمد خوش قسمتی سے کسی بھی نقصان سے محفوظ رہے۔اپنے فیس بک اکاؤنٹ پر سیلون میں بنائی ہوئی سیلفی شیئر کرتے ہوئے فائٹر بشیر احمد نے بتایا کہ لاہور میں ڈیفنس دھماکے سے 2 منٹ قبل عین اسی جگہ موجود تھے لیکن خوش قسمتی سے اس واقعے میں محفوظ رہا۔
