ممبئی(آئی این پی)رنبیر کپور نے خود کو اس حد تک تبدیل کرلیا کہ پہچاننا مشکل ہوگیا,بولی وڈ کے معروف اداکار رنبیر کپور اپنی اداکارانہ صلاحیتوں سے لوگوں کو متاثر کرنے میں کامیاب رہے ہیں لیکن اس بار انہوں نے نئیروپ سے اپنے چاہنے والوں کو حیران کردیا۔ہندوستان ٹائمز کے مطابق رنبیر ان دنوں سنجے دت کی سوانح حیات پر بننے والی فلم میں مرکزی کردار اداکررہے ہیں،لہٰذا انہوں نے کردار میں سچائی کا رنگ بھرنے

کے لیے خود کو مکمل طور پر سنجے دت کے روپ میں ڈھال لیا ہے۔سوشل میڈیا پر جاری ہونیوالی تصاویر کو دیکھ کر اندازہ لگانا بہت ہی مشکل ہے کہ یہ سنجے دت کی تصاویر ہیں یا رنبیرکپور کی۔فلم کے سیٹ پر رنبیر لمبے بالوں کے ساتھ بالکل نوے کی دہائی کے سنجے دت نظر آرہے ہیں ،واضح رہے کہ بھارتی فلم انڈسٹری کے معروف اداکار پاریش راول فلم میں سنجے کے والد سنیل دت کا کردار جبکہ منیشا کوئرالہ ان کی والدہ نرگس کا کردار نبھا رہی ہیں۔

موضوعات:رنبیر کپور