اسلام آباد(مانیٹرنگ ڈیسک)چین کے معروف تھنگ ٹینک سینٹرفار ایشیا پیسفک سٹڈیز کے ڈائریکٹر چاؤ کان چھنگ نے کہا ہے کہ بھارتی کولڈ سٹارٹ کے باوجود پاکستان اپنی خودمختاری کا دفاع کرنے کی بھرپور صلاحیت رکھتا ہے اور بھارت کسی بھی قسم کے جنگی جنون میں کوئی بھی اشتعال انگیزی سے گریز کرے ورنہ خطے کے حالات مزید خراب ہو جائیں گے ۔ ان خیالات کا اظہار انہوں نے ایک انٹرویو کے دوران کیا۔انہوں نے کہا کہ چین میں بھارت پر گہری نظر رکھنے والے تجزیہ نگار اس صورتحال میں گہری دلچسپی رکھ رہے ہیں اور ان حالات میں بھارتی چیف کے اشتعال انگیزبیانات دونوں ممالک کے دوران مزید کشیدہ صورتحال پیدا کر سکتے ہیں جب امریکہ میں ڈونلڈ ٹرمپ صدارتی عہدہ سنبھال چکے ہیں۔
بھارتی فوج کے اشتعال انگیز بیانات کسی بھی خطرناک حالات کو آواز دے سکتے ہیں اور کوئی بھی غلط اقدام خطے کے امن کی فضا خراب اور مستقبل کو تاریک بنا سکتا ہے اگر ایساکچھ ہوا توہمسایوں کے مابین امن عمل کی معطلی کا ذمہ دار بھارت ہوگا۔ پاکستان اور بھارت دونو ں ایٹمی ہتھیاروں کی صلاحیت رکھنے والے ممالک ہیں۔اس بات کو یاد رکھتے ہوئے بھارت کو کولڈ سٹارٹ جیسی حکمت عملی سے بھی پرہیز کرنا چاہئے۔پاکستان اور بھارت دونوں ممالک کی افواج کی تعداد میں زیادہ فرق ہے لیکن پاکستان نے اپنے ایٹمی ہتھیار سنبھال کر رکھنے کیلئے نہیں بنائے اور پاکستان کی ایٹمی ہتھیاروں کو نظر انداز نہیں کرنا چاہئیے۔