اسلام آباد(مانیٹرنگ ڈیسک)وزیر دفاع خواجہ آصف نے کہا ہے کہ پرویز مشرف دور میں مجھے اوراسحاق ڈار کو اٹک قلعے میں قید تنہائی میں رکھا گیا جبکہوہ حالات ایسے تھے کہ وزیر خزانہ کا اس دوران 30پونڈ تک وزن کم ہوگیا۔نجی ٹی وی سے گفتگو کرتے ہوئے وزیر دفاع نے اسحاق ڈار سے پرویز مشرف دور میں نواز شریف کیخلافاعترافی بیان کی روداد سناتے ہوئے کہا کہ

اس سارے معاملے میں کسی قسم کی کوئی غلط بیانی شامل نہیں کیونکہ میں خود اس کا عینی شاہد ہوں اتفاق انڈسٹریز کے کچھ ملازمین نےخود کو تشدد سے بچانےکیلئے جھوٹ بول کر اسحاق ڈار کو پھنسا یا۔جس کی وجہ سے ہم دونوں کو بیان لینے کیلئے سزاکے طور پر اٹک قلعے میں تنہائی میں قید رکھا گیا ۔جس کے باوجودحق و سچ کی جیت ہوئی اور کل جس نے ظلم کیا آج وہ ملک سے بھاگ چکا ہے۔جو حق پر تھے آج وہ اپنے ملک میں موجود عوام کی خدمت میں ہمہ تن گوش ہیں۔اگر نواز شریف کی حکومت کو نہ ہٹایا جاتا تو آج پاکستان ترقی یافتہ ممالک میں شامل ہوتا اور وزیر اعظم نواز شریف کے وژن کے مطابق ایشین ٹائیگر بن چکا ہوتا ۔