نئی دہلی (آئی این پی)متحدہ عرب امارات اور بھارت کے درمیان 75ارب ڈالرز کے معاہدے طے پا گئے، دونوں ملکوں کے درمیان دہلی میں اسٹریٹیجک پارٹنر شپ، تجارت اور دفاع سمیت دو طرفہ تعاون کے 14سمجھوتوں پر دستخط کیے گئے۔بھارتی میڈیاکے مطابق نئی دہلی میں متحدہ عرب امارات کے ولی عہد شیخ محمد بن زید النہیان اور بھارتی وزیر اعظم نریندر مودی کے درمیان وفود کی سطح پر مذاکرات ہوئے۔اس موقع پر دونوں ملکوں کے درمیان 75ارب ڈالرز کے معاہدوں کی منظوری دی گئی،اسٹریٹیجک پارٹر شپ،

میری ٹائم، ٹرانسپورٹ،دفاع اور تجارت کے شعبوں میں تعاون بڑھانے کیلئے 14سمجھوتوں پر دستخط کیے گئے۔شیخ محمد بن زید (آج ) جمعرات کو ہونے والی بھارتی یوم جمہوریہ کی تقریب کے مہمان خصوصی ہیں۔اس سے قبل پاک چین اقتصادی راہداری کے دشمن بھارتی وزیراعظم نریندرمودی نے متحدہ عرب امارات کے ولی عہد محمد بن زید النہیان کی آمد پر پروٹوکول کی دھجیاں اڑا دیں اور انہیں ریسیو کرنے کیلئے خود ایئرپورٹ پہنچ گئے اور گلے مل کر خوش آمدید کہا۔بھارت کی اس پریڈ میں بھارتی میزائلوں کی نمائش کی جائے گی۔

موضوعات:اسٹریٹیجک پارٹنر شپ متحدہ عرب امارات