راولپنڈی (نیوز ڈیسک)نظامت زرعی اطلاعات پنجاب کے مطابق مسور میں 25 فیصد تک پروٹین پائی جاتی ہے ¾مسور کی فصل سے بہتر پیداوار لینے کے لیے اسے ضرر رساں کیڑوں کے حملہ سے محفوظ رکھنا بہت ضروری ہے۔کیڑوں کے بائیولوجیکل انسداد کےلئے کھیتوں میں ٹرائیکوگراما کارڈ لگائیں دیمک کا حملہ فصل کے اگنے سے کٹائی تک کسی بھی مرحلہ پر ہو سکتا ہے۔ دیمک پودوں کی جڑوں پر حملہ کرتی ہے اور زمین میں سرنگیں بناتی ہے جس سے حملہ شدہ پودے سوکھ جاتے ہیں،بروقت آبپاشی سے اس کے حملہ کو کم کیا جا سکتا ہے۔ کاشتکار مختلف نقصان رساں کیڑوں کے انسداد کےلئے جڑی بوٹیوں کی بروقت تلفی پر خصوصی توجہ دیں۔ چڑیاں اور پرندے سنڈیوں کو رغبت سے کھاتے ہیں اس لئے پرندوں کی حوصلہ افزائی کریں۔ ضرر رساں کیڑوں کے شدید حملہ کی صورت میں کیمیائی تدارک کےلئے محکمہ زراعت (توسیع و پیسٹ وارننگ) کی سفارش کردہ کیڑے مار زہر سپرے کریں۔