دبئی (این این آئی)امارات میں پاکستانی سفارتخانے نے پاکستانیوں پر ویزا پابندیوں سے متعلق خبروں کی تردید کردی۔پاکستانی سفارتخانے نے بتایا کہ میڈیا رپورٹس میں کیے گئے دعوے حقائق کے برعکس ہیں۔
سفارتخانے کی جانب سے کہا گیا کہ پاکستان اور متحدہ عرب امارات کے درمیان مضبوط اور دوستانہ تعلقات ہیں، دونوں حکومتیں سرکاری چینلز اور تعمیری بات چیت کے ذریعے باہمی تشویش کے کسی بھی مسئلے کو حل کرنے کے لیے پرعزم ہیں۔پاکستانی سفارت خانے کے مطابق دوستانہ تعلقات کو مزید مضبوط بنانے کے لیے اماراتی حکام کے ساتھ قریبی تعاون جاری رکھیں گے۔
