بیجنگ(مانیٹرنگ ڈیسک) چین میں الیکٹرک کاروں کی خریدوفروخت پوری دنیا کے مقابلے میں سب سے زیادہ ہو رہی ہے۔ان کاروں کی قیمتیں بھی انتہائی کم ہیں اوراس کی وجہ ان کاروں کی مقامی سطح پر تیاری اور حکومتی سبسڈی ہے۔ تفصیلات کے مطابق چین ماحول دوست کاروں کی تیاری کے حوالے نمایاں کردار ادا کر رہا ہے۔چین کی سستی الیکٹرک کاروں نے دنیا کی دیگر آٹومیکر کمپنیز ٹیسلا اور نسان کیلئے خطرے کی گھنٹی بجا دی ہے۔ چین مقامی کارساز کمپنیوں ویرن بیفٹ اور بائیک موٹرز کو بڑے پیمانے پر سستی الیکٹرک کاروں کی تیاری کیلئے اربوں ڈالرز سبسڈی دے رہاہے۔