لاہور(این این آئی )750روپے مالیت کے قومی انعامی بانڈزکی قرعہ اندازی 16جنوری کوہوگی۔اس قرعہ اندازی کا پہلا انعام 15لاکھ روپے کا ایک، دوسرے انعام میں5لاکھ روپے کے3جبکہ تیسرے انعام میں9300روپے کے1696انعامات کامیاب خوش نصیبوں میں تقسیم ہوں گے۔
دوسری جانب تھرکول فیلڈ میں کوئلے سے چلنے والے 1320میگاواٹ کے دو بجلی گھرآئندہ سال پیداوار شروع کردیں گے ،دونوںمنصوبوں پر مجموعی طور پر 2 ارب 60کروڑ ڈالر لاگت آئے گی۔سرکاری ذرائع کے مطابق مذکورہ منصوبے چین پاکستان اقتصادی راہداری کے تحت مکمل کئے جا رہے ہیں۔ملک میں توانائی کی ضروریات پوری کرنے کیلئے تھر کے کوئلے کو نکالنے اور اسے استعمال میں لانے پر خصوصی توجہ دی جا رہی ہے۔تھر کے کوئلے کے استعمال سمیت ہوا اور سورج کی روشنی سے بجلی پیدا کرنے کا کام بھی جاری ہے۔